Այսօր` օգոստոսի 12-ին, Հայկական հոգեբուժական ասոցիացիայի նախագահ, Համաշխարհային հոգեբուժական ասոցիացիայի ֆինանսական քարտուղար, Հոգեսոցիալական կարգավորման կենտրոնի գիտական ղեկավար Արմեն Ֆրունզիկի Սողոյանի 50 ամյակն է: Ի շնորհիվ Արմեն Սողոյանի ՀՀ-ում մեկնարկել են հոգեկան առողջության ոլորտի լայնածավալ բարեփոխումները: Նա մասնակցել է ՀՀ-ում հոգեկան առողջության ոլորտի բարեփոխման ռազմավարության մշակմանը, նպաստել է ՀՀ-ում հոգեկան առողջության խնդիրներ ունեցող անձանց համար առաջին համայնքային խնամքի տան բացմանը Սպիտակ քաղաքում, աջակցել է տարածաշրջանում առաջին ՌԵՔԱՎԵՐԻ ՔՈԼԵՋԻ (RECOVERY COLLEGE) բացմանը, հիմնադրել է «Անտիսուիցիդ» սուիցիդների կանխարգելման և վերլուծությունների, ինչպես նաև Սթրեսի և ցավի կառավարման կենտրոնը, ՀՀԱ-ի «Հոգեկան առողջության հայկական հանդես» պաշտոնական պարբերականի ամսագրի գլխավոր խմբագիրն է: Արմեն Սողոյանը որպես Համաշխարհային հոգեբուժական ասոցիացիայի անդամ նպաստել է ամբողջ աշխարհում հոգեկբուժության և հոգեսոցիալական վերականգնման ոլորտների զարգացմանը:
Աչքի են ընկնում նաև Արմեն Սողոյանի բարձր մարդկային արժեքները, ինչպիսին են Ընկերասիրությունը, Հաստատակամությունը , Ազնությունն ու Հայրենասիրությունը
ՌԵՔԱՎԵՐԻ ՔՈԼԵՋԻ ողջ անձնակազմի կողմց շնորհավորում ենք Արմեն Սողոյանին և մաղթում առողջություն, երկար տարիների երջանիկ, ստեղծագործական ձեռքբերումներով լի կյանք:
