«Մեդիտացիա արտթերապիայի և թեյախմության շուրջ»
Տոներից հետո միանգամից դժվար է լինում անցնել առօրյա կենսակերպին: Ռեժիմի փոփոխությունները նպաստում են հետտոնական սթրեսի առաջացմանը, որն ի դեպ հնարավոր է կանխարգելել և հաղթահարել: Առաջարկում ենք արդյունավետ թրեյնինգ` մեդիտացիայի միջոցով: Թրեյնինգը կանցկացնեն` հոգեբան Զառա Հակոբյանը և թեյախմության արարողության վարպետ Զորայր Վասիլյանը:
Մեդիտացիան (հոգեբեռնաթափում) ներքին հոգեկան լարվածության վերացման ամենապարզ եղանակներից է: Մեդիտացիան օգնում է վերացնել անհանգստությունը և մեծացնել ստեղծագործական ընդունակությունները, հասնել հոգեկան անդորրի և ունենալ երջանկության ու խաղաղության զգացում:
Հունվարի 17-ին, ժամը`17 00, հրավիրում ենք մասնակցելու «Մեդիտացիա արտթերապիայի և թեյախմության շուրջ» թրեյնինգին:
Մաս 1. Ռեսուրսների բացահայտում արտթերապիայի միջոցով: Յուրաքանչյուր մարդ ունի ոգեղեն սկիզբ և այն կապված է կոլեկտիվ անգիտակցականի հետ, որը հավերժական մի ռեսուրս է: Մեդիտացիայի միջոցով կկարողանաք հասնել ռեսուրսների բացահայտմանը՝ բազային ռեսուրսներն ակտիվացնելու համար:
Մաս 2. Ձեզ սպասվում է չինական թեյախմության կախարդական արվեստը: Թեյախմությունը գնահատվում է մեդիտատիվ վիճակ առաջացնելու կարողությամբ, այն նվազեցնում է անհանգստությունը, նաև հիանալի միջոց է սթրեսի կանխարգելման, հաղթահարման համար:
Մանրամասների համար զանգահարել` 010 544-077, 055 771217